關於譚仔，我想說的是
唔知由幾時開始，
麥記譚仔變左香港人評核自己女朋友既指標
我覺得唔公平。
對於我呢個譚仔愛好者來說～唔公道呀
首先利申：我的譚仔毒癮應該有五年或以上
平均一個星期都會食一次，個人比較支持三哥。
所以我是非常極度願意同麥仔去食譚仔
但唔代表我係個好女朋友～都唔代表麥仔係好男朋友
其實願意食譚仔真係一件普通不過既事
您見譚仔開到7仔咁多，而又長期好多人
您就知香港人其實好多都好鍾意食譚仔
咁，一個會同您食譚仔既女仔又有咩咁特別？
反而我覺得一個死都唔肯同您食譚仔既女仔有趣啲喎
愛食譚仔既港女周街都係，反而死都唔肯食既比較少
如果計罕有程度應該略勝一籌。
其實會唔會係香港男仔做得太多兵
遇過太多嫌三嫌四既公主，所以反而欣賞番平凡既港女
或者大家唔係應該怪啲唔肯食譚仔既公主
係應該諗下您自己係咪王子，可以日日同公主食好西。
講起又想食譚仔。 I miss Samgor!
/
圖為我同麥仔一齊食三哥的好日子！
麥仔正在準備進貢佢既餸畀我
計我話！會畀佢碗入面既腐皮我又幫我包底既先係好東西！
Search